Ye Jo Halka Halka Suroor Hai
Saaqi ki har nigah pe bal kha ke pii gaya
lehron se khelta hua lehra ke pii gaya
Ay Rehmat-e-tamaam! Meri har khata maaf!
Main inteha-e-shauq mein ghabra ke pii gaya
Dar par tha chashm-e-yaar ki sheh paa ke pii gaya
Zahid! Ye meri shokhi-e-rindana dekhna
"Rehmat" ko baaton baaton mein behla ke pii gaya

Mutribon ki nawaain aati hain
kis ke geysoo khulain hain saawan main
Mehki mehki hawain aati hain
Aao sehn-e-chaman main raqs karain
Saaz lai kar ghataain aati hain

Dekh kar un ki aankhnion ko adam!
Maikadon ko haya-ain aati hain

Paas rehta hai door rehta hai
Koi dil mein zaroor rehta hai
Jab se dekha hai un ki aankhon ko
Halka halka suroor rehta hai

Aisay rehte hain wo mere dil main (4:45)
jaise zulmat mein noor rehta hai
Ab adam ka ye haal hai har waqt
Mast rehta hai choor rehta hai

Ye Jo halka halka!
Ye Jo halka halka suroor hai
Ye teri nazar ka kusoor hai
K sharaab pina sikha diya

Teray pyaar ne, teri chaah ne (8:20)
Teri behki behki nigaah ne
Mujhe ik sharaabi bana diya

Sharaab kaisi, khumaar kaisa (12:40)
Ye sab tumhaari nawaazishain hain
Pilaai hai kis nazar se tune
k mujhko apni khabar nahi hai

Saara jahan mast
Jahaan ka nizaam mast
Din mast raat mast sahar mast shaam mast
Khum mast sheesha mast sabuu mast Jaam mast
Hai teri chashm-e-mast se har khaas-o-aam mast

Yun toh saaqi har tarha ki, tere mai-khaanay main hai
Wo bhi thori si, jo in aankhon k paimaanay main hai
Sab samajhta hun teri Ishwa-gari
Kaam karti hai nazaar naam hai paimaanay ka

Mere Saaqi! Mere Saaqi! Mere Saaqi Saaqi mere Saaqi! (17:00)
Lehra k jhoom, jhoom k la, muskura k la
Phoolon k ras main chaand ki kirnain mila k la
Kyun ja rhi hai routh k rangeen-e-bahaar?
Ja aik martaba ise wargala k laa

Saagar shikan hai Shaikh bala Nosh ki nazar
Sheeshay ko zair-e-daaman-e-rangeen chupa k laa

Kehte hain Umr-e-Rafta kabhi laut'ti nahi
Ja maikaday se meri jawaani utha k laa

Maine maana Janaab! Peeta hun
Zindagi ka Azaab peeta hun
Ban k khaana kharab peeta hun
Roz-e-mehshar hisaab ho na sakay
Is liye be-hisaab peeta hun

Jaam hai, maahtaab hai Saaqi, Saaqi!
Saara mousam Sharaab hai, Saaqi
Bahaz lamhaat aisay hotay hain
Jin main peena sawaab hai, Saaqi

Achi pi li, kharaab pi li
thi aag, misaal-e-habaab pi li
Aadat hai ab to nasha na Kaif!
Paani na piya, Sharaab pi li

Nasha "Imaan" hota hai, Suraahi "Deen" hoti hai (23:40)
Jawaani ki ibadat kis qadar rangeen hoti hai

Tumhara husn agar benaqaab ho jaye
Har aik chehra khuda ki kitaab ho jaye

Jo Qaaiday se naa ho to fuzool hai Sadja (25:20)
Adab k saath khata bhi sawaab ho jaye
Sharaabion ko Aqeedat hai is qadar tumse
Jo tum pila do paani, Sharaab ho jaye

Dil uska namaazi ban jaye (27:10)
Aankh uski gulaabi ho jaye
Jis ko tu muhabbat se dekhe
Saaqi! Wo sharaabi ho jaye

Mere Saaqi Saaqi! Mere Saaqi!

Naa Namaaz aati hai mujhko na wuzu aata hai
Sajda karleta hun jab saamnay tu aata hai
Kyun K
Bass meri zindagi tera pyaar hai

Main Azal se banda-e-Ishq hun
Mujhe Zohd-o-Kufr ka ghum nahi
Mere sar ko dar tera mil gaya
Mujhe ab Talaash-e-Haram nahi
Meri bandagi hai wo bandagi
Jo ba-Qaid-e-Dair-o-Haram nahi
Mera ik nazar tumhein dekhna
Ba-Khuda Namaaz se kam nahi

Tera Naam loon! Subho Shaam tera naam loon (41:00)
Tera Naam loon zubaan se, tere aagay sar jhuka doon
Mera Ishq keh raha hai, main tujhe khuda bana loon

Tera naam mere lab par, mera tazkira hai dar dar
Mujhe bhool jaaye dunya, main agar tujhe bhula doon
Mere dil main bas rahay hain, tere be-panaah jalway
Na ho jismain noor tera, wo chiraagh hi bujha doon
Teri dillagi k sadkay, teri sangdilli k qurbaan!
Mere ghum pe hasne waale, tujhe konsi dua doon?

Qayamat main tera daagh-e-muhabbat le ke uthun ga
Mere ghum pe hasne waale, tujhe konsi dua doon?

Zulf rukh se hata k baat karo
Raat ko din bana k baat karo
Maikaday k chiraagh madham hain
Zara aankhain utha k baat karo
Phool kuch chaahiyen huzoor humain
Tum zara muskura k baat karo
Ye bhi andaaz-e-guftugu hai koi?
Jab karo dil dukha k baat karo

Teri dillagi k, main sadkay!

Zara apni shokhi to dekhiye
Liye zulm kham-shuda haath main
Mere paas aaye dabbay dabbay
Mujhe "Saanp" keh kar dara diya

Dil ki talab hai aur tamanna hai jaan ki (54:08)
Kya meherbaaniyaan hain mere meherbaan ki
Naazuq mizaaj ho na koi yaar ki tarah
Khichta hai baat baat pe talwaar ki tarah
Dil muft chaahta hai magar sab k saamnay
Qeemat laga raha hai khareedaar ki tarha

Qayamat main tera Daagh-e-Muhabbat le ke uthun ga
Teri tasweer us dam bhi kaleje se lagi hogi

Tera pyaar hai meri zindagi
Teri yaad hai meri bandagi
Jo teri khushi wo meri khushi
Ye mere junoon ka hai Mojaza
Jahan apne sar ko jhuka diya
Wahan maine Kaaba bana liya

Mere baad kisko satao gy? (57:55)
Mujhe kis tarha se mitao gy?

Maine un k saamnay, awwal to khanjar rakh diya
Phir kaleja rakh diya, Dil rakh diya, Sar rakh diya
Aur Arz kiya, Mere baad kisko satao gy?



Mene kaha Mizghaan hai ye, usne kaha ye teer hai
Mene kaha Aabroo hai ye, usne kaha shamsheer hai
Mene kaha chehre pe kyun bal khaati hain Zulfain, bata?
Usne kaha ye aashiqon k waaste Zanjeer hai
Mene kaha furqat main teri, Jaan par khela hun
Usne kaha zinda raha ye bhi teri taqdeer hai

Mene tumko dil diya, Tumne mujhe ruswa kiya
Maine tumse kya kiya, Aur tumne mujhse kya kiya

Jitna jee chahay satao, waqt hai
Be-kason par muskurao, waqt hai
Dekh lena main na tarpoon ga, Zaheer!
Shok se khanjar chalao, waqt hai

Meri wafa-ain yaad karo gy, Ro'o gy, faryaad karo gy
Mujhko to barbaad kiya hai, Aur kise barbaad karo gy?
Aa kar bhi naashaad kiya hai, Jaa kar bhi naashaad karo gy?

Tera Zulm nahi hai shaamil gar meri barbaadi main
Teri aankhain bheeg rahi hain kyun meray afsaanay se?
Par ye to bata do, phir
Mere baad kisko satao gy?

Jo pucha k kis tarha hoti hai baarish,
Jabeen se paseenay ki boondain gira deen
Jo pucha k kis tarhay girti hai bijli
Nigaahain milaaeen, mila kar jhuka deen
Jo pucha shab-o-roz milte hain kese
To chehre pe apne wo zulfain gira deen
Jo pucha k naghmon main jaadu hai kesa
To meethe Takallum main baatain suna deen
Jo apni tamanna-on ka haal poocha
To jalti hui chand shammain bhuja deen

Main kehta reh gaya, Khata-e-Muhabbat ki achi saza di
Meray dil ki dunya bana kar mitta di, Acha phir!
Mere baad kisko satao gy (01:06:20)

Kuch aisi qaatilaana nigaahon main dhal gaye
Armaan, aarzo k jinaazay nikal gaye
Kismat phiri to phir gaye Ehbaab is tarha
Dekha humain to door se rasta badal gaye

Mere baad kisko satao gy?
Mujhe kis tarha se mitao gy?
Kahan ja kar teer chalao gy?
Meri dosti ki bala-ain lo
Mujhe haath utha kar dua-ain do
Tumhain aik qaatil bana diya

Ye Jo Halka Halka Suroor Hai
Ye teri nazar ka Qusoor Hai
K sharaab peena sikha diya

Aankh uthi muhabbat ne angrai li
Dil ka sauda hua chaandi raat main
(chaandi raat main)
Unki nazron ne kuch aisa jaaddu kiya
lut gaye hum to pehli mulaaqat mein

Dil lout liya iman lout liya
Humpe Aisa Jaadu kiya unki nazron ne
Khud Tarap kar on ke janib dil gaya
Humpe Aisa Jaadu Kiya unki nazron ne
Sharab seekh pay dali kabab sheeshay main
Humpe Aisa Jaadu Kiya unki nazron ne

Zindagi Doob Gayi un ki Hasin ankhon main
Yoon mera piyar ke afsanay ko anjaam mila
Humpe Aisa Jaadu Kiya unki nazron ne

Kafiyat-e-chashm uski mujhe yaad hai "Souda"
Sagir ko mera hath sa lena ke chala main
Aisa Jaadu Kiya unki nazron ne

Hum hosh bhi apne bhul gaye
Imaan bhi apna bhul gaye
Ik dil hi nahi us bazm (mehfil) mein
Hum na jaane kya kya bhul gaye

Jo baat thi unko kehne ki
Wo baat hi kehna bhul gaye
Ghairon ke fasane yaad rahe
Hum apna fasana bhul gaye

Wo aa kay ajj samnay is shaan say gaye
Hum dekhta he dekhtay Imaan say gaye
Kya kya nigah-e-yaar me taseer ho gayi
Bijli kabhii bani kabhi shamsheer ho gayi

Bigri tu aah bani Dil-e-Ishq ki jaan per
Dil main utar gayi toh nazar teer ho gayi
Mehfil mein baar baar unhi par nazar gayi
Humne bachai laakh magar phir udhar gayi

Unki nigah mein koi jaadu zaroor tha
Jis par parri usi ke jigar mein utar gayi
Wo muskara keh dekhna, un ki toh thi adda
Hum be-taray tarap uthay aur jaan sa gayi

Attay he unkay, bazam kuch is tarhay howa
Seesha say Rind, Sheikh bhi Qur'an sa gaye
un ankhoo ka liye dil pa assar jatay hain
Mainkday hath bharhatay hai jidhar jatayian hain

Bhoolte he nahi dil ko mera mastana nigha
Sath jata hai ye Mainkhana jidhar jatayian hain
On ka andaz nay mujha ko bakhuda lout liya
Dai ka majboor ko paighame-e-wafa lout liya

Samna hota he jo kuch mila lout liya
kya batoon kay nazar miltay he kya lout liya
Nargasi ankhon na Iman mera lout liya

Banke tasweer-e-ghum reh gaye hain
Khoye khoye se hum reh gaye hain
Baant li sabne aapas mein khushiyaan
Mere hisse mein ghum reh gaye hain


Ab na uthna sirhane se mere
Ab to ginti ke dum reh gaye hain
Din katta jiss tarhay katta
lakin raat kat'ti nazar nahi atti

Dil zindgai sa tang hai jeena say Sair hai
Pemana bhar chuka hai chalknay ke dair hai
Qaafila chal ke maanzil pe pahuncha
"Thehro!" "thehro!" mein hum reh gaye hain

Dekh kar un k mangto ki ghairat
Dang Ehal-e-karam reh gaye hain
Un ki sattariyan kuch na pucho
Aasiyun k bharam rah gaye hain

Aey sabaa aik zehmat zara phir
Unki zulfon mein khum beh gaye hain
Kaayanat-e-jafaa-o-wafaa mein
Eik tum eik hum reh gaye hain

Aaj saqi pila Sheikh ko bhi
Ek ye mohtaram reh gaye hain
Daur-e-Mazi ke tasveer akhir
Ay-naseer ek hum reh gaye hain

Nazar mila ka meray pass akay lout liya
Loot liya, Loot liya
Khuda ke liya apni nazron ko roko! 
mera dil lout liya
Jis taraf uth gayi hain aahain hain
Chashm-e-baddoor kya nigahain hain

Dil ko oulat poulat ka dikhanay sa faida?
Keh tou diya kay bus! lout liya lout liya
Hai dosti tu janib-e-dushman na dekhna!
Jaadu bhara hua hai tumhari nigaah main

Karoon tareef kya teri nazar ke dil lout liya
Nazar mila ka meray pass aa kay lout liya
Nazar hati thi ke phir muskra ke lout liya
Koi yeh loot toh dekho ke usne jab chaha
Mujhi main reh ker, mujhi main sama ke loot liya

Na loot'tay hum, magar un must ankhiyun ne jigar
Nazar bachatay howay dub-duba ke lout liya

Unki nazron ne kuch aisa jaadu kiya
Lut gaye hum to pehli mulaqaat main

Saath apna wafa main na chootay kabhi
Pyaar ki dour bandh kar na tootay kabhi
Chhut jaya zamana koi ghum nahi
Haath tera rahay bass mera haath main

Rut hai barsaat ki dekho zidd mat karo
Rut hai Barsaat ki
Rut hai Barsaat ki

Yeh Sulakti sham, yeh tanhaiyan
Baadlon ke saath hum bhi ro diye
Jahan ankhain barasti rehti hon, barsaat se pehlay
Wahan barsaat main badal baras janay sa kya hoga?

Yeh bheegi raat aur barast ke hawain
jitna bhula raha hun , woh yaad aa rahain hain
Yeh badal jhoom kar aya tou hain shen-e-gulstan per
Kahin paani na par jaya kisi ke ehad-o-Painman per

Log Barsaat main so jatain hain khush khush laikin
Mujhko in aankhon ki barsaat ne sonay na diya
Rut hai barsaat ki dekho zidd mat karo!
Raat andheri hai badaal hain chhaye huye

Ruk bi jao sanam tum ko meri qasam!
Ab kahan jaoge aisi barsaat mein?
Jiss tarha chahe woh aazma lain humain
Muntazir hain bass un ke ishaaray pe hum

Muskura kar fanaa wo talab tou karain
Jaan bhi apni de dein ge sougaat main
Aankh uthi mohabbat ne angrai li
Dil ka sauda hua chandi raat mein

Kar rahi hai dar haqeeqat Kaam saaqi ki nazar
Maikaday main gardish-e-saagar bara-e-naam hai

Phiroon dhoondta maikada?
Tauba Tauba!
Mujhe aaj kal itni fursat nahi hai
Tauba! Tauba! Tauba! Tauba!

Salaamat rahay teri aankhon ki masti
Mujhe maikashi ki zaroorat nahi hai

Salaamat rahain, teri aankhain!
Saaqi teri aankhain, Salaamat rahain

Gila nahi jo guraizaan hain chand paimaanay
Nigaah-e-yaar salaamat, hazaar maikhanay

Khanaktay jaam ka mohtaaj main nahi Saaqi!
Teri nigaah salaamat mujhe kami kya hai

Aankhain Saaqi ki salaamat, mere dushman tarsain
Dohray maikhaanay hain neeyat meri marnay k liye

Suroor cheez ki miqdaar par nhi moqoof
Sharaab kam hai to saaqi nazar mila k pila

Jaam par jaam peene se kya faida
Raat guzri to saari utar jaye gi
Teri nazron se pi hai khuda ki qasam
Umr saari nashay main guzar jaye gi

Dil uska namaazi ban jaaye
Aankh uski gulaabi ho jaaye
Tu jisko muhabbat se dekhay
Saaqi! Wo sharaabi ho jaye

Salaamat rahay teri aankhon ki masti
Mujhe maikashi ki zaroorat nahi hai

Ye tarq-e-Ta'aluq ka kya tazkarah hai?
Tumharay siwa koi apna nahi hai
Agar tum kaho to main khud ko bhula doon
Tumhain bhool jaanay ki taaqat nahi hai

Roz kehta hun, bhool jaaun tumhain
Roz ye baat bhool jaata hun

Ik baar tumhain Aqal ne chaaha tha bhulaana
So (100) baar junoon ne teri tasweer dikha di

Tujhko bhuloon? Koshish kar k dekhun ga
Warna darya ulta behna muskhil hai

Har ik morr par, ik nayi Maat (haar) khaayi
Rahi dil ki dil main, zubaan tak na aayi

Kiye hain kuch aisay karam doston ne
K ab dushmano ki zaroorat nahi hai

Aqal ko rog maar dete hain
Ishq ko sog maar dete hain
Aadmi khud-ba-khud nahi marta
Doosre log maar dete hain

Hamesha mere saamnay se guzarna
Nigaahain chura kar mujhe dekh lena
Meri jaan tum mujhko itna bata do
Ye kya cheez hai gar (agar) muhabbat nahi hai

Hazaaron taman'naain hoti hain dil main
Humaari to bass ik tamanna yehi hai
Mujhe ik dafa apna keh k pukaaro
Bass is k siwa koi hassrat nahi hai

Phiroon dhoodta maikada?
Tauba Tauba!
Mujhe aaj kal itni fursat nahi hai

Nusrat Fateh Ali Khan, born Pervez Fateh Ali Khan (13 October 1948 – 16 August 1997), was a Pakistani vocalist and musician, primarily a singer of Qawwali, a form of Sufi Islamic devotional music.Widely considered one of the greatest voices ever recorded, he possessed an extraordinary range of vocal abilities and could perform at a high level of intensity for several hours.He belonged to the Patiala gharana extending the 600-year old Qawwali tradition of his family, Khan is widely credited with introducing Qawwali music to international audiences. He is popularly known as "Shehnshah-e-Qawwali", meaning "The King of Kings of Qawwali".

Born in Faisalabad, Khan had his first public performance at the age of 15, at his father's chelum. He became the head of the family qawwali party in 1971. He was signed by Oriental Star Agencies, Birmingham, England in the early 1980s. Khan went on to release movie scores and albums in Europe, India, Japan, Pakistan and the U.S. He engaged in collaborations and experiments with Western artists, becoming a well-known world music artist. He toured extensively, performing in over 40 countries. In addition to popularising Qawwali music, he also had a big impact on contemporary South Asian popular music, including Pakistani pop, Indi-pop and Bollywood music.

Death
Various reports said Khan weighed over 300 pounds. He had been seriously ill for several months, according to a spokesperson at his U.S. label, American Recordings. After traveling to London from his native Pakistan for treatment for liver and kidney problems, he was rushed from the airport to Cromwell Hospital in London.

He died of a sudden cardiac arrest at Cromwell Hospital on 16 August 1997, aged 48. His body was repatriated to Faisalabad, and his funeral was a public affair. He was buried in Kabootran Wala Qabristan also known as Jhang Road Graveyard on Jhang Road, Faisalabad.

His wife, Naheed Nusrat, died on 13 September 2013 in Credit Valley Hospital in Mississauga, Ontario, Canada. Naheed had moved to Canada after the death of her husband. She is survived by their daughter Nida Khan. Khan's musical legacy is now carried forward by his nephews, Rahat Fateh Ali Khan and Rizwan-Muazzam.